Holy Quran – Urdu translation in ROMAN Script

Holy Quran – Urdu Translation in Roman Script

With Transliteration and Arabic Text
By Maulana Qari Faheemuddin Ahmed Siddiqui

Qur’an Kareem Allah Ta’ala ki woh mo’jiz kitaab hai jo apni balaaghat, hikmat aur gehrai mein be-misaal hai. Iske paighaam aur husn ko kisi doosri zabaan mein mukammal taur par pesh karna aasaan nahi, lekin is paighaam ko zyada se zyada logon tak pohnchane ki ek sincere koshish zaroor ki gayi hai.

Mufti Muhammad Taqi Usmani sahab ka Urdu tarjuma isi silsile ki ek maqbool aur kaamyaab koshish hai. Yeh tarjuma aasaan, saaf aur aam-fahm Urdu mein hai, jiski wajah se ise samajhna kaafi aasaan hai.

Bohat se log Urdu bolna aur samajhna jaante hain, lekin Urdu script padhne mein mushkil mehsoos karte hain. Isi zarurat ko madde nazar rakhte hue, HiraKart ne is “Aasaan Tarjuma” ko Roman Urdu script mein pesh karne ka faisla kiya hai, taake Qur’an ka paighaam un logon tak bhi aasani se pohnch sake jo Urdu script se waqif nahi hain.

Roman Urdu ka yeh andaaz un readers ke liye bhi madadgar hai jo English padh sakte hain, lekin Urdu ke kuch alfaaz aur jumlon ko samajhne mein mushkil mehsoos karte hain. Ismein Urdu ke lehje ko Roman script ke saath is tarah pesh kiya gaya hai ke mutaala aasaan aur samajhne layak rahe.

HiraKart ki yeh chhoti si koshish Qur’an ke paighaam ko zyada se zyada logon tak pohnchane aur unhein Allah Ta’ala ke kalaam ko samajhne ke qareeb laane ki ek khidmat hai.

Allah Ta’ala se dua hai ke woh is koshish ko qubool farmaye, ise sab ke liye hidayat, ilm aur barkat ka zariya banaye, aur Qur’an Kareem ko samajhne aur us par amal karne ki taufeeq ata farmaye.

Ameen.